Karuna Munde On Dhananjay Munde :1996 पासूनचं सगळं बाहेर काढणार! करुणा मुंडेंचा धनंजय मुंडेंना इशारा

Karuna Munde On Dhananjay Munde :1996 पासूनचं सगळं बाहेर काढणार! करुणा मुंडेंचा धनंजय मुंडेंना इशारा

Karuna Sharma on Walmik Karad: करुणा शर्मा (Karuna Sharma) यांच्यावर प्रथमदर्शनी घरगुती हिंसाचार झाल्याचे निरीक्षण नोंदवत वांद्रे दंडाधिकारी न्यायालयाने मंत्री आणि राष्ट्रवादी काँग्रेस अजित पवार गटाचे नेते धनंजय मुंडे (Dhananjay Munde) यांना करुणा यांना दरमहा 1 लाख 25 हजार रुपये, तर त्यांच्या मुलीसाठी 75 हजार रुपये अंतरिम देखभाल खर्च म्हणून देण्याचे निर्देश दिले. तर मुलाचे वय 21 वर्षे असल्याने त्याच्यासाठी देखभालीचा खर्च देण्यास न्यायालयाने नकार दिला. काल (7 फेब्रुवारी) वांद्रे दंडाधिकारी न्यायालयाने याबाबत निर्देश दिले. न्यायालयाच्या या निर्णयानंतर करुण शर्मा यांनी माध्यमांशी बोलताना विविध मुद्द्यांवर भाष्य केलं. तसेच बीडमधील मस्साजोग गावचे सरपंच संतोष देशमुख (Santosh Deshmukh Murder Case) यांच्या हत्याप्रकरणी संशयित आरोपी वाल्मिक कराड (Walmik Karad) याच्याबाबत देखील धक्कादायक खुलासा केला आहे. 

बीड जिल्हाधिकाऱ्यांच्या दालनात धनंजय मुंडे आणि पोलिसांसमोर वाल्मिक कराडने माझ्यावर हात उगारला होता. तसेच वाल्मिक कराडने अंगाला गैरस्पर्श करत मारहाण केली होती. माझ्या पतीसमोर वाल्मिक कराडने माझ्यावर हात उगारला. मी यावेळीचा सीसीटीव्ही फुटेज मिळण्यासाठी मागणी केली होती. मात्र मला ते अजूनही मिळालेले नाही, असा धक्कादायक आरोपही करुण शर्मा यांनी केला. तसेच जिल्हाधिकारी दीपा मुधोळ मुंडे यांच्यावर कारवाई करा, अशी मागणी देखील करुणा शर्मा यांनी केली आहे.