Jyoti Waghmare on Nashik Malegaon : 3 वर्षाच्या मुलीवर अत्याचार, ज्योती वाघमारे अश्रू अनावर

Jyoti Waghmare on Nashik Malegaon : 3 वर्षाच्या मुलीवर अत्याचार, ज्योती वाघमारे अश्रू अनावर 
नाशिकच्या मालेगावमधून एक हृदय पिळवटून टाकणारी घटना समोर आली आहे. मालेगाव तालुक्यातील डोंगराळे गावात तीन वर्षीय चिमुरडीवर अत्याचार (Nashik Crime) करून तिची निर्घृण हत्या करण्यात आली आहे. या अतिशय हृदयद्रावक घटनेनं संपूर्ण गाव हादरलं आहे. मिळालेल्या माहितीनुसार, गावातील 24 वर्षीय विजय संजय खैरनर याने या चिमुरडीवर प्रथम अत्याचार केला आणि नंतर तिचे डोके दगडाने ठेचून अमानुषपणे हत्या (Nashik Crime News) केल्याची माहिती समोर आली आहे.

दरम्यान, घटनेची माहिती मिळताच मालेगाव तालुका पोलिसांनी तात्काळ घटनास्थळी दाखल झाले आणि संशयित आरोपी विजय खैरनार याला ताब्यात घेतले. तर चिमुरडीचा मृतदेह पोस्टमार्टेमसाठी मालेगाव सामान्य रुग्णालयात पाठविण्यात आला आहे. या भयावाहघटनेमुळे परिसरात भीती आणि प्रचंड रोषाचे वातावरण पसरले आहे. पोलीस प्रकरणाची अत्यंत गांभीर्याने चौकशी करत आहेत. मात्र आरोपीला कठोरात कठोर कारवाई व्हावी, अशी मागणी ग्रामस्थानीं केली आहे.