Jogeshwari news : मेघवाडी पोलीस बिल्डरला वाचवत आहेत का? संस्कृती कोटियानच्या कुटुंबियांचा सवाल

मुंबईतील जोगेश्वरी (Jogeshwari) येथे बांधकाम सुरू असलेल्या इमारतीवरून सिमेंट ब्लॉक पडून २२ वर्षीय संस्कृती अमीन (Sanskruti Amin) या तरुणीचा मृत्यू झाला आहे. याप्रकरणी श्रद्धा लाईफस्टाइल कंपनीविरोधात (Shraddha Lifestyle Company) गुन्हा दाखल झाला असला तरी, अद्याप कोणालाही अटक झालेली नाही. 'मेघवाडी पोलीस (Meghwadi Police) बिल्डरला वाचवत आहेत का?', असा सवाल संस्कृतीच्या कुटुंबीयांनी आणि स्थानिकांनी विचारला आहे. या घटनेला तीन दिवस उलटूनही आरोपी फरार असून त्यांचे मोबाईल फोन बंद असल्याची माहिती पोलिसांनी दिली आहे. दरम्यान, ठाकरे गटाचे आमदार बाळा नर (Bala Nar) यांनी पीडित कुटुंबाची भेट घेऊन बिल्डरच्या हलगर्जीपणामुळेच ही दुर्घटना घडल्याचा आरोप केला. पोलिसांनी श्रद्धा लाईफस्टाइल एलएलपी आणि इतरांविरुद्ध सदोष मनुष्यवधाचा गुन्हा दाखल केला आहे.