Jitendra Awhad FIR | सरकारी कामात अडथळा, आव्हाडांवर गुन्हा दाखल

जितेंद्र आव्हाड यांच्यावर सरकारी कामात अडथळा आणल्याप्रकरणी गुन्हा दाखल करण्यात आला आहे. काल रात्री विधानभवनाच्या गेटवर झालेल्या आंदोलनादरम्यान त्यांनी पोलिसांची जीप अडवून त्यांचे कार्यकर्ते नितीन देशमुख यांना अटक होण्यापासून रोखण्याचा प्रयत्न केला होता. या घटनेनंतर मुंबई पोलिसांनी मरीन ड्राइव्ह पोलीस स्टेशनमध्ये हा गुन्हा दाखल केला आहे. आव्हाड हे लोकप्रतिनिधी असल्याने, विधानसभा अध्यक्षांची रीतसर परवानगी घेऊन ही कारवाई करण्यात आली आहे. या गुन्ह्यामध्ये पुढील चौकशी आणि तपास केला जाईल. "सध्या अटक किंवा हा विषय नसणार आहे कारण ते जी जी जो गुन्हा दाखल झाला आहे त्यामध्ये चौकशी आणि तपास केला जाईल." असे पोलिसांनी स्पष्ट केले आहे. जितेंद्र आव्हाड यांचे स्टेटमेंट घेतले जाईल, तसेच त्यावेळी कर्तव्य बजावणाऱ्या पोलीस कर्मचारी आणि अधिकाऱ्यांकडूनही जबाब नोंदवले जातील. या वादामुळे सध्याच्या राजकीय घडामोडींमध्ये आणखी भर पडली असून, हा वाद विकोपाला जाण्याची चिन्हे आहेत. विधानभवनाच्या परिसरात झालेली हाणामारी अत्यंत दुर्दैवी आणि लोकशाहीसाठी लाजिरवाणी बाब असल्याचेही नमूद करण्यात आले. पोलिसांनी दोन्ही बाजूच्या लोकांना अटक केली होती. लोकप्रतिनिधींकडून सरकारी कामात सहकार्याची अपेक्षा असते, कारण ते स्वतः कायदा बनवणारे आहेत. अशाप्रकारे रस्त्यावर येऊन अडथळा निर्माण केल्यास चुकीचा संदेश जातो, त्यामुळे पोलिसांनी हा निर्णय घेतला.