TOP 50 Superfast News : टॉप 50 बातम्यांचा वेगवान आढावा : 26 August 2025 : 4 PM : ABP Majha

मुंबई हायकोर्टाने जरांगे यांना आझाद मैदानावर आंदोलन करण्यास मनाई केली आहे. मात्र, नवी मुंबईतील खारघर किंवा अन्यत्र आंदोलन करण्यास राज्य सरकारला परवानगी देण्याची मुभा दिली आहे. कोर्टाच्या या मनाई आदेशानंतरही जरांगे यांनी मुंबईत आंदोलन करण्यावर ठाम असल्याचे सांगितले आहे. ते म्हणाले की, कोर्टाच्या नियमांचे उल्लंघन करणार नाही, पण मुंबईत १०० टक्के जाणारच. जरांगे यांचा मुंबईतील मोर्चा थांबवण्यासाठी सरकारकडून प्रयत्न सुरू आहेत. मुख्यमंत्री फडणवीसांचे स्वीय सहायक राजेंद्र साबळे यांनी जरांगे यांची अंतर्वाली सराटी येथे भेट घेतली. या भेटीत जरांगे यांनी "आरक्षण अंमलबजावणी पाहिजे यावर मी ठाम आता चर्चा नाही अंमलबजावणी हवी," असे स्पष्ट केले. सरकारने एक रस्ता द्यावा अशी त्यांची मागणी आहे. भाजपच्या आंदोलन पुढे ढकलण्याच्या आवाहनावरही त्यांनी प्रतिक्रिया दिली. दुसरीकडे, लक्ष्मण हाके यांनी जरांगे यांच्या आंदोलनावर टीका करत त्यांना 'सलाईन वीर' म्हटले आहे. बीडच्या गेवराईत पंडित आणि हाके समर्थकांमध्ये राडा झाला असून, याप्रकरणी चौदा जणांवर गुन्हा दाखल करण्यात आला आहे. गेवराईतील या घटनेनंतर जिल्हा प्रशासन अलर्टवर असून, बीड जिल्ह्यात पुढील पंधरा दिवसांसाठी जमावबंदीचे आदेश जारी करण्यात आले आहेत. विविध आंदोलनं आणि निदर्शनांवरही बंदी घालण्यात आली आहे.