CISF Promotion : आयपीएस अधिकारी नीना सिंहच्या CISF महासंचालक,54 वर्षांनी जबाबदारी महिला अधिकाऱ्याकडे

केंद्रीय औद्योगिक सुरक्षा दल अर्थात सीआयएसएफच्या महासंचालकपदाची जबाबदारी पहिल्यांदाच एका महिला आयपीएस अधिकाऱ्याकडे सोपवण्यात आलीय. राजस्थान केडरच्या १९८९ बॅचच्या आयपीएस अधिकारी नीना सिंह यांना ही जबाबदारी मिळाली आहे. त्यामुळे ५४ वर्षांत पहिल्यांदाच विमानतळ, दिल्ली मेट्रो आणि देशभरातील इतर सरकारी इमारतींच्या सुरक्षेची जबाबदारी एक महिला अधिकारी पार पाडणार आहे. १९६९ मध्ये स्थापन झालेल्या सीआयएसएफचे नेतृत्व फक्त पुरुष अधिकारी करत होते.