Parbhani Heavy Rail : परभणी जिल्ह्यात पुन्हा पूरसदृश स्थिती, नागरिकांचे स्थलांतर

परभणी जिल्ह्यात मुसळधार पावसामुळे जनजीवन विस्कळीत झाले आहे. शहरातील संत गाडगेबाबा नगर परिसरात नागरिकांच्या घरांमध्ये पावसाचे पाणी शिरले असून, मोठे नुकसान झाले आहे. पहाटेपासून पावसाचा जोर वाढल्याने काही नागरिकांना सुरक्षित ठिकाणी स्थलांतरित करावे लागले. परभणी शहरासह जिल्हाभरात रात्री झालेल्या मुसळधार पावसामुळे रस्त्यांवर आणि शेतीपिकांमध्ये पाणी साचले आहे. अनेक वस्त्यांमधील घरांमध्येही पाणी शिरले आहे. केवळ संत गाडगेबाबा नगरच नव्हे, तर अक्षता मंगल कार्यालयाच्या परिसरातील अनेक घरांमध्ये कंबरेएवढे पाणी जमा झाले आहे. यामुळे या भागातील नागरिकांना अक्षता मंगल कार्यालयात स्थलांतरित करण्यात आले आहे. संत गाडगेबाबा नगर, अक्षता मंगल कार्यालय परिसर आणि सागर नगर यांसारख्या अनेक वस्त्यांमध्ये पाणी शिरल्याने घरातील संसारोपयोगी साहित्याचे मोठ्या प्रमाणावर नुकसान झाले आहे. ही परिस्थिती केवळ एकाच भागात नसून, विविध भागांमध्ये अशीच स्थिती आहे. या पावसामुळे शहरातील व्यवस्थापनावर प्रश्नचिन्ह निर्माण झाले आहे, कारण "महानगरपालिकेची नाले सफाईचा प्रश्न यामुळे उपस्थित होतो."