Maharashtra : मुख्यमंत्री - उपमुख्यमंत्र्यांची आज पत्रकार परिषद, शेतकऱ्यांना मदत जाहीर होणार?

आज दुपारी मुख्यमंत्री आणि उपमुख्यमंत्री पत्रकार परिषद घेणार आहेत. मंत्रिमंडळाची बैठक देखील आज होणार आहे. अतिवृष्टीसंदर्भात आज मदत जाहीर होणार असल्याची माहिती सूत्रांकडून ABP Majha ला मिळाली आहे. अतिवृष्टीमुळे झालेल्या नुकसानीचे पंचनामे पूर्ण झाले आहेत. राज्य सरकारने केंद्राकडे मदतीसाठी विनंती केली होती. NDRF च्या निकषांमध्ये शिथिलता आणण्याची मागणी करण्यात आली होती. गृहमंत्री आणि सहकार मंत्री Amit Shah यांच्यासोबतही चर्चा झाली होती. या संदर्भात अंतिम टप्प्यातील चर्चा पूर्ण झाली आहे. मंत्रिमंडळ बैठकीत काही निकष बदलण्याची शक्यता आहे. साधारणपणे १५,००० कोटीं इतकी मदत जाहीर होण्याची शक्यता आहे. राज्य सरकारने याआधी "दिवाळीच्या अगोदर मदतीसंदर्भातली घोषणा आमच्याकडून करण्यात येईल" असे सांगितले होते. त्यामुळे आजच्या पत्रकार परिषदेकडे सर्वांचे लक्ष लागले आहे.