H1B Visa Fee Hike | ट्रम्प यांचा 'व्हिसा बॉम्ब', भारतीयांना मोठा धक्का! Special Report

डोनाल्ड ट्रम्प यांनी अमेरिकेतील विदेशी नोकरदारांसाठी H1B व्हिसा शुल्कात मोठी वाढ केली आहे. या निर्णयामुळे आता H1B व्हिसासाठी वार्षिक एक लाख डॉलर्स म्हणजेच भारतीय चलनात जवळपास अठ्ठ्याऐंशी लाख रुपये शुल्क मोजावे लागणार आहे. यापूर्वी हे शुल्क एक ते सहा लाखांपर्यंत होते. ट्रम्प यांच्या या आदेशावर व्हाईट हाऊसमध्ये स्वाक्षरी करण्यात आली आहे. या निर्णयाचा सर्वाधिक फटका भारतीय नोकरदारांना बसणार आहे, कारण 2024 साली H1B व्हिसा मिळालेल्यांमध्ये एकाहत्तर टक्के भारतीय होते. 2023 मध्ये दोन लाख ब्याण्णव हजार आणि 2022 मध्ये तीन लाख वीस हजार भारतीयांना H1B व्हिसा मिळाला होता. ट्रम्प यांच्या या निर्णयामुळे भारतात विरोधकांनी पंतप्रधान मोदींना लक्ष्य करायला सुरुवात केली आहे. काँग्रेसने मोदींना दुबळे पंतप्रधान म्हटले आहे, तर प्रकाश आंबेडकरांनी याला अमेरिकेने छेडलेले शीतयुद्ध म्हटले आहे. मात्र, जाणकारांच्या मते, ट्रम्प यांच्या या निर्णयाविरोधात न्यायालयात आव्हान देता येईल. "आयटी इंडस्ट्री ट्रम्पवर दबाव टाकेल आणि हा निर्णय त्यांना मागे घ्यायला भाग पडेल," असे मत व्यक्त करण्यात आले आहे. अमेरिकेतील आयटी क्षेत्रासाठी परदेशी नोकरदार महत्त्वाचे आहेत. ट्रम्प 'मेक अमेरिका ग्रेट अगेन' हे घोषवाक्य सत्यात उतरवण्यासाठी निर्णय घेत आहेत.