Grand Offering: पुण्यातील Dagdusheth गणपती चरणी 521 पदार्थांचा महाप्रसाद, पाहा आकर्षक आरास.

पुण्यातील प्रसिद्ध श्रीमंत दगडूशेठ हलवाई गणपती मंदिरात पौर्णिमेनिमित्त अन्नकूट मोठ्या उत्साहात साजरा करण्यात आला. यावेळी बाप्पाच्या चरणी तब्बल ५२१ पदार्थांचा नैवेद्य अर्पण करण्यात आला. या विशेष नैवेद्यामध्ये विविध प्रकारच्या मिठाया, तिखट फराळाचे पदार्थ, बोट पदार्थ आणि अनेक प्रकारच्या फळांचा समावेश होता. या सर्व पदार्थांची मंदिराच्या गाभाऱ्यात आकर्षक आरास करण्यात आली होती, जी पाहण्यासाठी भाविकांनी मोठी गर्दी केली होती. श्रीमंत दगडूशेठ हलवाई सार्वजनिक गणपती ट्रस्ट आणि सुवर्णयुग तरुण मंडळातर्फे या अन्नकूटाचे आयोजन करण्यात आले होते.