Gopichand Padalkar :'रोहित पवारांना अक्कल कमी',पडळकरांचा पवारांवर घणाघात

भाजप आमदार गोपीचंद पडळकर (Gopichand Padalkar) यांनी राष्ट्रवादी काँग्रेस शरदचंद्र पवार पक्षाचे आमदार रोहित पवार (Rohit Pawar) यांच्यावर गुंड नीलेश घायवळ (Nilesh Ghaywal) सोबतच्या संबंधांवरून जोरदार टीका केली आहे. 'दोन हजार एकोणीस ला हाच रोहित पवार, नीलेश घायवळच्या मदतीनं आमदार झालाय,' असा गंभीर आरोप पडळकर यांनी केला आहे. रोहित पवारांना महाराष्ट्राचे नेते होण्याची घाई लागली असून, ते धुतल्या तांदळासारखे वागत असले तरी ते बरबडलेले आहेत, असेही पडळकर म्हणाले. 'तेव्हा नीलेश घायवळ गुंड नव्हता का?' असा सवाल करत पडळकरांनी रोहित पवारांच्या बदललेल्या भूमिकेवर प्रश्नचिन्ह निर्माण केले आहे. पवारांच्या आजूबाजूला शेकडो गुन्हेगार असल्याचा दावाही त्यांनी केला.