Gautami Patil Row | Chandrakant Patil यांच्यावर Dhangekar यांचे गंभीर आरोप, चौकशीची मागणी

मंत्री चंद्रकांत पाटील यांनी गौतमी पाटीलबाबत केलेल्या वक्तव्यावर शिवसेनेचे नेते रवींद्र धंगेकर यांनी प्रतिक्रिया दिली आहे. धंगेकर म्हणाले की, चंद्रकांत पाटील यांनी मोबाईलमध्ये व्हिडिओ रेकॉर्ड करण्याऐवजी त्यांच्या आजूबाजूला असलेल्या गुन्हेगारांकडे लक्ष द्यावे. गौतमी पाटीलची चूक असल्यास तिच्यावर कारवाई करावी अशी मागणी धंगेकर यांनी केली. चंद्रकांत पाटील यांच्या ऑफिसमध्ये पाटील नावाचा एक व्यक्ती त्यांचे काम बघतो. त्याचे मोबाईल रेकॉर्ड तपासण्याची मागणी धंगेकर यांनी केली. गुंड घैवाल आणि त्या व्यक्तीमध्ये किती वेळा संपर्क झाला, याची माहिती पोलिसांना मिळेल असे धंगेकर म्हणाले. "मोबाईलमध्ये व्हिडिओ रेकॉर्ड करण्यापेक्षा पोलीस स्टेशनला घेऊन बोललं पाहिजे तसंच ज्यांच्या आजूबाजूला अनेक गुन्हेगार आहेत त्यांच्याकडे चंद्रकांत पाटल यांनी लक्ष द्यावं," असे धंगेकर यांनी म्हटले. तसेच, "घैवाल आणि तो किती वेळा बोलला दादांना किती वेळा निरोप दिला याची सगळी माहिती पोलिसांना मिळेल पण सत्ता आहे आणि सत्तेत पोलीस काही करत नाही," असेही त्यांनी नमूद केले.