Threat Letter: नवनीत राणांना हत्येची धमकी; Navneet Rana यांना Hyderabad च्या जावेदकडून धमकी

माजी खासदार आणि भाजप नेत्या नवनीत राणा (Navneet Rana) यांना पुन्हा एकदा जीवे मारण्याची आणि गँगरेपची धमकी देण्यात आली आहे. हैदराबादमधील जावेद नावाच्या व्यक्तीने स्पीड पोस्टद्वारे हे धमकीचे पत्र पाठवले असून त्यात अत्यंत अश्लील भाषेचा वापर करण्यात आला आहे. 'तुझ्यावर गँगरेप करून ठार मारू,' अशा शब्दात ही धमकी देण्यात आली आहे. या प्रकरणी नवनीत राणा यांच्या स्वीय सहाय्यकाने अमरावतीच्या राजापेठ पोलीस ठाण्यात तक्रार दाखल केली असून, पोलिसांनी गुन्हा नोंदवून तपास सुरू केला आहे. यापूर्वीही राणा यांना अनेकदा धमक्या आल्या आहेत.