Takarli : बोट दुर्घटनेत दोन पर्यटकांचा मृत्यू, दोन बोटमालकांसह पाच जणांवर गुन्हा दाखल

सिंधुदुर्ग जिल्ह्यातील तारकर्लीत काल झालेल्या बोट दुर्घटनेत दोघा पर्यटकांचा मृत्यू झाला. या प्रकरणी रात्री दोन बोटमालकांसह पाच जणांवर मालवण पोलिसांनी गुन्हा दाखल केला आहे. लाइफ जॅकेट न देता असुरक्षितपणे समुद्रात पर्यटन करण्यासाठी नेण्यात आल्याचं या तक्रारीत म्हटलं आहे. त्यामुळे पर्यटकांच्या सुरक्षेचा प्रश्न पुन्हा ऐरणीवर आला आहे.