Farmers Protest: 'शेतीत मरण्यापेक्षा आंदोलनात मरू', Bacchu Kadu यांचा इशारा; Nagpur मध्ये महामार्ग ठप्प.

नागपूरमध्ये (Nagpur) बच्चू कडू (Bacchu Kadu), राजू शेट्टी (Raju Shetti) आणि महादेव जानकर (Mahadev Jankar) यांच्या नेतृत्वात 'महाएल्गार' आंदोलन (Mahaelgar protest) तीव्र झाले असून, शेतकऱ्यांनी प्रमुख महामार्ग रोखून धरले आहेत. मोर्चात सहभागी झालेले शेतकरी नेते रविकांत तुपकर यांनी आक्रमक भूमिका घेत, 'दोन-चार मंत्र्यांना कापा,' असे वादग्रस्त वक्तव्य केले आहे. बच्चू कडू यांनी सरकारला दुपारी १२ वाजेपर्यंतचा अल्टिमेटम दिला असून, मागण्या मान्य न झाल्यास महामार्गानंतर 'रेल्वे रोको' करण्याचा इशारा दिला आहे. संपूर्ण कर्जमाफीच्या ('सात बारा कोरा करा') मागणीसाठी हजारो शेतकरी रस्त्यावर उतरले असून, अनेक नेत्यांनी रात्री रस्त्यावरच मुक्काम केला. या आंदोलनामुळे नागपूरकडे येणारी-जाणारी वाहतूक पूर्णपणे ठप्प झाली आहे. जीवनावश्यक वस्तूंची वाहतूक करणारे शेकडो ट्रक अडकल्याने राज्यभरातील पुरवठा साखळीवर परिणाम होण्याची भीती व्यक्त केली जात आहे.