konkan | कोकणासाठी नवं विद्यापीठ स्थापनेसाठी हालचाली सुरु , उच्च-तंत्र शिक्षणमंत्र्यांची माहिती | ABP Majha

मुंबई विद्यापीठाचा ताण कमी व्हावा आणि कोकणातील विद्यार्थ्यांचा त्रास कमी व्हावा यासाठी कोकण विद्यापीठ स्थापन करणार असल्याची माहिती राज्याचे नवे उच्च व तंत्र शिक्षणमंत्री उदय सामंत यांनी एपीबी माझाशी बोलताना दिली आहे. रत्नागिरी, सिंधुदुर्ग आणि दक्षिण रायगड या जिह्यातील कॉलेज मिळून हे विद्यापीठ स्थापन केलं जाणार आहे. कोकण विद्यापीठ स्थापन करण्यासंदर्भात राज्य शासनाला शिफारस करण्यासाठी एक तज्ज्ञ समिती नेमण्यात येणार असल्याची घोषणा उच्च शिक्षणमंत्री उदय सामंत यांनी शुक्रवारी केली आहे.