पालकमंत्रिपदानंतर महायुतीत महामंडळ वाटपाचाही फॉर्म्युला ठरला? भाजपचा प्रस्ताव शिंदेंकडून अमान्य?

पालकमंत्रिपदानंतर महायुतीत महामंडळ वाटपाचाही फॉर्म्युला ठरला असल्याची माहिती एबीपी माझाला मिळालीय... भाजपकडून ५०-२५-२५ असा फॉर्म्युला ठेवण्यात आलाय.. ५० टक्के महामंडळं भाजपला, २५ टक्के महामंडळं अजित पवार गटाला, तर २५ टक्के महामंडळं शिंदे गटाला देण्यात यावीत असं भाजपचं म्हणणं आहे.. तर शिंदे गटानं ४०-३०-३० असा फॉर्म्युला समोर ठेवलाय.. जेवढी महामंडळं शिंदे गटाला मिळतील तेवढीच महामंडळ आमच्याही पदरात पडावीत अशी अजित पवार गटाची मागणी आहे.. येत्या आठवड्यात महामंडळ वाटपावर शिक्कामोर्तब होणार असल्याची माहिती आहे.