Chhatrapati Sambhajinagar संभाजीनगरात जमिनीचे भाव गगनाला, एकरभर जमिनींची किंमत 1 कोटींच्या पार

छत्रपती संभाजीनगरमध्ये दिल्ली-मुंबई इंडस्ट्रियल कॉरिडॉर (DMIC) आणि ऑरिक सिटी (AURIC City) प्रकल्पामुळे जमिनीच्या भावात प्रचंड वाढ झाली आहे. एकेकाळी 'दहा लाखांत एकरभर मिळणारी जमीन आता एक कोटी रुपये मोजले तरी मिळत नाहीये'. गेल्या सहा महिन्यांत जमिनीचे भाव दहा पटींनी वाढले असून, गुंतवणुकीसाठी मोठी गर्दी होत आहे. या विकासामुळे शहराचा आणि जिल्ह्याचा अक्षरशः कायापालट होत आहे. १०,००० हेक्टरपेक्षा जास्त क्षेत्रावर पसरलेल्या या औद्योगिक कॉरिडॉरमध्ये टोयोटा (Toyota), जेएसडब्ल्यू (JSW) आणि अथर (Ather) यांसारख्या मोठ्या कंपन्यांनी गुंतवणूक जाहीर केली आहे. यामुळे औद्योगिक विकासाला चालना मिळाली आहे, पण त्याचबरोबर जमिनीच्या व्यवहारांमध्येही मोठी वाढ झाली आहे, ज्यामुळे दलालांची संख्या वाढली आहे आणि वृत्तपत्रे मालमत्तेच्या जाहिरातींनी भरलेली दिसत आहेत.