Delhi Blast: लाल किल्ल्याजवळ मोबाईल डंप डेटा गोळा, तपास यंत्रणांकडून धागेदोऱ्यांची जुळवाजुळव

दिल्लीतील लाल किल्ल्याजवळ (Red Fort) सोमवारी संध्याकाळी झालेल्या शक्तिशाली कार बॉम्बस्फोटानंतर तपास यंत्रणांनी तपास तीव्र केला आहे. या स्फोटात अनेक लोकांचा मृत्यू झाला असून अनेक जण जखमी झाले आहेत. दिल्ली पोलिसांच्या (Delhi Police) स्पेशल सेल आणि क्राईम ब्रांचसह राष्ट्रीय तपास यंत्रणा (NIA) आणि फॉरेन्सिक सायन्स लॅबोरेटरी (FSL) घटनास्थळी तपास करत आहेत. वृत्तानुसार, 'तपास यंत्रणा परिसरातील मोबाईल फोन्सचा डंप डेटा गोळा करत आहेत, जेणेकरून स्फोटाशी संबंधित संशयित फोन नंबर आणि संवादाचा सुगावा लागू शकेल.' याशिवाय, शेकडो CCTV फुटेजची तपासणी केली जात असून, स्फोटात वापरलेल्या वाहनाचा मार्ग आणि संशयितांची ओळख पटवण्याचे प्रयत्न युद्धपातळीवर सुरू आहेत.