Delhi Blast: अमित शाहांनी उल्लेख केलेल्या i20 चा मालक सापडला, तपासात मोठा ट्विस्ट!

दिल्लीतील लाल किल्ल्याजवळ झालेल्या कार बॉम्बस्फोट प्रकरणाच्या तपासाला नवी दिशा मिळाली आहे, ज्याचा उल्लेख केंद्रीय गृहमंत्री अमित शाह यांनी केला होता. तपासात समोर आलेल्या सर्वात महत्त्वाच्या माहितीनुसार, ज्या i20 गाडीत स्फोट झाला, तिचा मूळ मालक सलमान सापडला असून त्याने ती गाडी दुसऱ्याला विकल्याचे उघड झाले आहे. सोमवारी संध्याकाळी सुभाष मार्गावर झालेल्या या स्फोटात १३ जणांचा मृत्यू झाला तर २० हून अधिक जण जखमी झाले. गृहमंत्री अमित शाह यांनी घटनास्थळाला भेट देऊन सर्व शक्यता तपासण्याचे आदेश दिले आहेत. सध्या एनआयए (NIA), एनएसजी (NSG) आणि दिल्ली पोलिसांचे विशेष पथक या प्रकरणाचा तपास करत असून, गाडीच्या विक्री साखळीचा शोध घेतला जात आहे.