DelhiBlast: लाल किल्ल्याजवळ भीषण कार स्फोटात 8 ठार, 'पॅटर्न' वेगळा असल्याने यंत्रणा संभ्रमात

दिल्लीतील लाल किल्ला मेट्रो स्टेशनजवळ (Red Fort Metro Station) झालेल्या शक्तिशाली कार स्फोटात (Car Blast) किमान 8 जणांचा मृत्यू झाला असून अनेक जण जखमी झाले आहेत. या घटनेनंतर केंद्रीय गृहमंत्री अमित शाह (Amit Shah) यांनी घटनास्थळी आणि रुग्णालयात जाऊन पाहणी केली. 'या स्फोटामागे कोणतीही शक्यता नाकारता येत नाही', असे अमित शाह यांनी स्पष्ट केले आहे. हा स्फोट एका Hyundai i20 गाडीत झाला, मात्र त्याचा 'पॅटर्न' (Blast Pattern) नेहमीपेक्षा वेगळा असल्याचे समोर आले आहे. घटनास्थळी बॉल बेअरिंग किंवा खिळे सापडलेले नाहीत, ज्यामुळे तपास यंत्रणाही चक्रावल्या आहेत. या प्रकरणाचा तपास आता राष्ट्रीय तपास यंत्रणा (NIA) आणि दिल्ली पोलिसांच्या स्पेशल सेलकडे (Special Cell) सोपवण्यात आला आहे. या घटनेनंतर दिल्ली आणि मुंबईसह देशभरात हाय अलर्ट (High Alert) जारी करण्यात आला आहे.