Delhi Blast Probe : महिला डॉक्टरच्या मित्राच्या Lucknow तील घरावर छापा, Saharanpur कनेक्शन उघड

दिल्लीतील लाल किल्ल्याजवळ झालेल्या बॉम्बस्फोटानंतर तपास यंत्रणांनी देशभरात छापेमारी सुरू केली आहे. या तपासाचे धागेदोरे उत्तर प्रदेशातील लखनऊपर्यंत पोहोचले असून, जम्मू-काश्मीर पोलिसांनी डॉ. परवेझ अन्सारी नावाच्या व्यक्तीच्या घरी छापा टाकला आहे. परवेझचा संबंध फरिदाबाद टेरर मॉड्यूलशी आणि सहारनपूरमधून अटक करण्यात आलेल्या डॉ. आदिलशी असल्याचे समोर आले आहे. दुसरीकडे, जम्मू-काश्मीर पोलिसांनी लखनऊमधून डॉ. शाहीन शाहिद नावाच्या एका महिला डॉक्टरलाही अटक केली असून, तिच्या गाडीतून एके-४७ रायफल जप्त करण्यात आली आहे. लखनऊचे एसीपी सय्यद अरीब अहमद यांनी सांगितले की, 'जम्मू-काश्मीर पोलिसांनी येथे एका ठिकाणी शोधमोहीम राबवली आहे. आतापर्यंत कोणालाही अटक करण्यात आलेली नाही. हे घर डॉक्टर परवेझ अन्सारी यांचे आहे...'. या घटनांमुळे दहशतवाद्यांचे 'व्हाइट कॉलर नेटवर्क' पुन्हा एकदा उघडकीस आले असून, यात अनेक सुशिक्षित व्यक्तींचा समावेश असल्याचे दिसून येत आहे.