Delhi Blast: 'सर्व शक्यता तपासून बघणार', Amit Shah यांचा इशारा; NSG, FSL कडून तपास सुरू

दिल्लीतील लाल किल्ल्याजवळ झालेल्या कार बॉम्बस्फोटाने देश हादरला आहे. या घटनेनंतर केंद्रीय गृहमंत्री अमित शहांनी घटनास्थळी आणि रुग्णालयात जाऊन जखमींची विचारपूस केली. 'आम्ही सर्व शक्यता खुल्या ठेवून सर्व बाजूंनी तपास करत आहोत; जोपर्यंत FSL आणि NSG चा अहवाल येत नाही, तोपर्यंत काहीही बोलणे कठीण आहे', असे अमित शहांनी स्पष्ट केले आहे. या स्फोटात ८ जणांचा मृत्यू झाला असून अनेक जण जखमी झाले आहेत. जखमींना LNJP रुग्णालयात दाखल करण्यात आले आहे. पंतप्रधान नरेंद्र मोदी यांनी गृहमंत्री अमित शहा यांच्याकडून परिस्थितीचा आढावा घेतला आहे. या प्रकरणाचा तपास NIA, NSG आणि FSL या यंत्रणांनी सुरू केला असून, उद्या एक उच्चस्तरीय बैठक बोलावण्यात आल्याची माहिती आहे.