Delhi Blast: 'संपूर्ण Delhi हाय अलर्टवर', Lal Qila स्फोटानंतर दहशतीचे वातावरण

दिल्लीतील लाल किल्ला मेट्रो स्टेशनजवळ एका गाडीत झालेल्या स्फोटामुळे राजधानी हादरली आहे. सोमवारी संध्याकाळी ६ वाजून ५५ मिनिटांनी मेट्रो स्टेशनच्या गेट क्रमांक एक जवळ पार्क केलेल्या गाडीत हा स्फोट झाला, ज्यानंतर तीन ते चार गाड्यांनी पेट घेतला. संपूर्ण दिल्लीमध्ये हाय अलर्ट जारी करण्यात आलेला आहे. या घटनेत एका व्यक्तीचा मृत्यू झाला असून अनेक जण जखमी झाले आहेत. घटनेची माहिती मिळताच अग्निशमन दलाच्या गाड्या आणि दिल्ली पोलिसांचे विशेष पथक घटनास्थळी दाखल झाले. राष्ट्रीय सुरक्षा रक्षक (NSG) पथकानेही घटनास्थळाचा ताबा घेतला आहे. जम्मू-काश्मीर आणि हरियाणासह देशभरात ७ ते १० नोव्हेंबर दरम्यान झालेल्या दहशतवादविरोधी कारवायांच्या पार्श्वभूमीवर हा स्फोट झाल्याने या घटनेला गंभीरपणे पाहिले जात आहे. याच काळात फरीदाबादमधून स्फोटके आणि शस्त्रसाठा जप्त करण्यात आला होता.