Cyclone Alert: बंगालच्या उपसागरात 'मोंथा' चक्रीवादळ, Andhra Pradesh, Odisha मध्ये हाय अलर्ट

बंगालच्या उपसागरात तयार झालेले 'मोंथा' (Montha) चक्रीवादळ अधिक तीव्र झाले असून भारतीय हवामान खात्याने (IMD) अनेक राज्यांना सतर्कतेचा इशारा दिला आहे. हे चक्रीवादळ २८ ऑक्टोबर रोजी आंध्र प्रदेशच्या (Andhra Pradesh) काकीनाडा (Kakinada) जवळ किनारपट्टीवर धडकण्याची शक्यता आहे. या चक्रीवादळामुळे आंध्र प्रदेश, ओडिशा, तामिळनाडूमध्ये मुसळधार पावसाचा अंदाज वर्तवण्यात आला असून, महाराष्ट्रातही अनेक ठिकाणी पावसाची शक्यता आहे. थायलंडने (Thailand) या चक्रीवादळाला 'मोंथा' हे नाव सुचवले आहे. हवामान विभागाच्या अंदाजानुसार, लँडफॉलवेळी वाऱ्याचा वेग ताशी ९० ते १०० किलोमीटर असू शकतो. प्रशासनाने खबरदारीचा उपाय म्हणून अनेक जिल्ह्यांमध्ये शाळांना सुट्ट्या जाहीर केल्या आहेत आणि मच्छिमारांना समुद्रात न जाण्याचा सल्ला दिला आहे.