कोपरगावमधील कुंभारी गावात गायीची 1 लाख 61 हजारांना विक्री,गावकऱ्यांचं गुलालाची उधळण करत सेलिब्रेशन!

कोपरगाव तालुक्यातील कुंभारी येथील रहिवासी शेतकरी अरूण रघुनाथ कदम शेती बरोबर दूध उत्पादक म्हणून ओळखले जातात. गावरान गायींसह विविध जातीच्या गायीचा सांभाळ ते करतात. अरुण जाधव यांच्याकडे असलेल्या एच एफ होस्टेन पाच वर्ष वयाची गाय चक्क 1 लाख 61 हजाराला विकली गेली. राहता तालुक्यातील निर्मळ पिंपरी येथील व्यापारी सिंकदर पठाण यांनी रोख रक्कम देत खरेदी केली. गेल्या 35 वर्षांपासून आम्ही या व्यवसायात असून गाय पाहताक्षणी पसंत पडल्याने गाय विकत घेतली असल्याचं सिकंदर पठाण यांनी सांगितलं.