Mohan Bhagwat | आर्थिक क्षेत्रात आपला भारत देश सध्या आघाडीवर - भागवत

पहलगाम येथे झालेल्या हल्ल्यात २६ भारतीय नागरिकांची हत्या झाली. या घटनेनंतर देशात प्रचंड दुःख आणि क्रोध निर्माण झाला. सरकारने आणि सैन्याने या हल्ल्याला 'पुरजोर' प्रत्युत्तर दिले. या संपूर्ण प्रकरणामुळे नेतृत्वाची दृढता, सैन्याचे शौर्य, कौशल्य आणि समाजाची एकता व दृढता दिसून आली. या घटनेतून देशाला आपल्या सुरक्षेबाबत अधिक सजग आणि समर्थ बनण्याची आवश्यकता शिकायला मिळाली. तसेच, जगातील मित्र कोण आहेत, हे देखील स्पष्ट झाले. देशांतर्गत अशांती पसरवणाऱ्या असंवैधानिक उग्रवादी आणि नक्षली आंदोलनांवर शासन-प्रशासनाने कठोर कारवाई केली. या कारवाईनंतर त्या क्षेत्रांमध्ये न्याय, विकास, सद्भावना, संवेदना आणि सामरस्य प्रस्थापित होण्यासाठी योजनांची गरज आहे. आर्थिक क्षेत्रातही देश पुढे जात असला तरी, प्रचलित अर्थप्रणालीचे काही दोष समोर आले आहेत. यामुळे श्रीमंत आणि गरिबांमधील अंतर वाढत आहे, आर्थिक सामर्थ्य काही मोजक्या लोकांच्या हातात एकवटले आहे. शोषण, पर्यावरणाची हानी आणि मानवी व्यवहारात अमानवीयता वाढू शकते. अमेरिकेच्या नवीन टॅरिफ धोरणाचा परिणाम सर्वांवर होत आहे. राष्ट्रे एकमेकांवर अवलंबून असली तरी, ही निर्भरता मजबुरी बनू नये.