Harshwardhan Sapkal : हर्षवर्धन सपकाळ यांची मुख्यमंत्री देवेंद्र फडणवीसांवर टीका

काँग्रेसचे प्रदेशाध्यक्ष हर्षवर्धन सपकाळ यांनी मुख्यमंत्री देवेंद्र फडणवीस यांच्यावर केलेल्या टीकेमुळे राजकीय वातावरण तापलं आहे. 'नथुराम गोडसेने ज्या शांत डोक्याने गांधीजींची हत्या केली, त्याच शांतपणे फडणवीस भांडणं लावतात', असे वादग्रस्त विधान सपकाळ यांनी केले आहे. या टीकेला भाजपचे नेते नवनाथ बबन यांनी जोरदार प्रत्युत्तर दिलं असून, सपकाळ यांनी वापरलेल्या भाषेला 'नालायकपणाचा आणि निर्लज्जपणाचा कळस' म्हटलं आहे. महात्मा गांधीजींचं नाव घेऊन फडणवीसांची तुलना नथुराम गोडसेशी केल्याबद्दल सपकाळ यांना लाज वाटली पाहिजे, असंही बबन म्हणाले. या सर्व वादात, हर्षवर्धन सपकाळ यांनी जात-न्याय जनगणना करून आरक्षणाचा प्रश्न तातडीने सोडवावा, अशी मागणीही सरकारकडे केली आहे. त्यामुळे आता आरक्षणाच्या मुद्द्यावरून राजकारण पुन्हा एकदा पेटण्याची शक्यता निर्माण झाली आहे.