Maharashtra Cold Wave : राज्यात थंडीचा कडाका सुरूच, पुढच्या 48 तासातही थंडीची लाट राहणार कायम

राज्यात थंडीचा कडाका सुरूच आहे आणि पुढच्या 48 तासातही उत्तर महाराष्ट्र आणि मराठवाड्याच्या काही जिल्ह्यांत थंडीची लाट कायम राहणार आहे. धुळ्यात आज नीचांकी म्हणजे 3 अंश सेल्सिअस तापमानाची नोंद झाली. पुणे, अहमदनगर, नाशिक, धुळे, जळगाव, नंदुरबार, औरंगाबाद आणि जालन्यात किमान तापमान 10 अंशांच्या खाली राहण्याची शक्यता आहे. मराठवाडा, मध्य महाराष्ट्र आणि उत्तर कोकणातील कमाल आणि किमान तापमानात घट होण्याची शक्यता आहे. विदर्भात देखील किमान तापमान सरासरी 10 ते 12 अंश राहण्याचा अंदाज आहे. तर कमाल तापमानही सरासरी 25 अंश सेल्सिअस रहाण्याची शक्यता आहे.