Coastal Road Bandra : कोस्टल रोड आणि सी-लिंकला जोडणाऱ्या पुलाची एक बाजू आजपासून खुली

Coastal Road Bandra : 
मुंबईकरांसाठी अतिशय महत्त्वाची बातमी आहे. कोस्टल रोड आणि सी-लिंकला जोडणाऱ्या पुलाची एक बाजू आजपासून खुली करण्यात येतेय. यामुळे दक्षिण मुंबईहून वांद्रेच्या बाजूला जाताना थेट सी-लिंक घेता येणार आहे. कोस्टल रोड आणि सी-लिंकला जोडण्यासाठी बीएमसीनं धनुष्याच्या आकाराचा आर्च-ब्रिज उभारला. या पुलामुळे नरीमन पॉईंटवरून वांद्रे गाठणं केवळ १० ते १५ मिनिटांत शक्य होणार आहे. दरम्यान हा टप्पा लोकांसाठी खुला करण्यात आल्यानंतर उपमुख्यमंत्री देवेंद्र फडणवीस यांनी स्वत: ड्राईव्ह करत, शेजारी मुख्यमंत्री शिंदेंना बसवून प्रवासाचा आनंद घेतला. यावेळी त्यांच्या ताफ्यावर मोठी पुष्पवृष्टी करण्यात आली.