Theatre Row: 'स्पर्धा हायजॅक केली', मंत्री Uday Samant यांच्या पत्नी Neelam Shirke Samant यांच्या संस्थेवर गंभीर आरोप

राज्य सरकारच्या बालनाट्य आणि दिव्यांग बालनाट्य स्पर्धा, आयोजनावरून वादाच्या भोवऱ्यात सापडल्या आहेत. राष्ट्रवादी काँग्रेस पक्षाचे सांस्कृतिक सेलचे प्रदेशाध्यक्ष बाबासाहेब पाटील यांनी उद्योगमंत्री उदय सामंत यांच्या पत्नी नीलम शिर्के सामंत यांच्या अध्यक्षतेखालील बालरंगभूमी परिषदेवर गंभीर आरोप केले आहेत. 'शासकीय स्पर्धा खासगी संस्थेकडून हायजॅक केल्या जात असून हे राजकीय दबावाखाली होत आहे', असा थेट आरोप पाटील यांनी केला आहे. यासंदर्भात बाबासाहेब पाटील यांनी मुख्यमंत्री देवेंद्र फडणवीस आणि अखिल भारतीय नाट्य परिषदेचे विश्वस्त शरद पवार यांना पत्र लिहून आक्षेप नोंदवला आहे. शासनाने कोणतीही अधिकृत घोषणा न करता, थेट बालरंगभूमी परिषदेच्या माध्यमातून या स्पर्धा राबवण्याचा निर्णय घेतल्याने हे स्पर्धेचे खासगीकरण असून यात पारदर्शकतेचा अभाव असल्याचा दावा केला जात आहे.