Chhatrapati Sambhajinagar Special Reportसंभाजीनगरमध्येही लायसन्स नसतानाही गाडी चालवली,तिघांना चिरडलं

Chhatrapati Sambhajinagar Car Accident Special Report : संभाजीनगरमध्येही लायसन्स नसतानाही गाडी चालवली, तिघांना चिरडलं 

कुणाचा मुलगा, कुणाची आई, कुणाचा बाप, तर कुणाची बहिण, भाऊ.. हिट अँड रनच्या घटनेत महाराष्ट्रातल्या कित्येकांनी आपल्या रक्ताची माणसं गमावली. संभाजीनगरमध्येही अशीच मन हेलावून टाकणारी आणि महाराष्ट्राच्या कायदा-सुव्यवस्थेच्या चिंधड्या उडवणारी घडना घडलीय.. बाळ, बाळाची आई आणि आजीचा एका मद्यधुंद ड्रायव्हरच्या चुकीमुळं जीव गेलाय

छत्रपती संभाजीनगरमध्ये दोघांनी दारु पिऊन  आपल्या स्कॉरपिओ कारनं एका कारला जोरदार धडक दिली.  या धडकेत कुटुंबातील ४ जणांचा मृत्यू झालाय.. नगर रोडवरील लिंबेजळगाव परिसरातील टोलनाक्याजवळील ही घटना घडलीेये..गौरी पूजन आटोपून सायंकाळी पुण्याच्या दिशेनं हे कुटुंब निघालं होतं. या भीषण अपघातात आईसह चार महिन्यांच्या चिमुकल्याचाही मृत्यू झालाय. मृणाली अजय बेसरकर ,आशालता हरिहर पोपळघट, अमोघ बेसरकर, दुर्गा सागर गीते अशी मृत्युमुखी पडलेल्या कुटुंबातील नावं आहेत.  तसंच दारू पिऊन स्कॉर्पिओ चालवणारे दोन मुलं दुभाजकांना ओलांडून पलीकडे जाऊन कारला धडकले. आरोपी विशाल चव्हाण हा  दारू पिऊन गाडी चालवत होता..तर गाडीचा मालक कृष्णा केरे हा घरी होता.