Chhagan Bhujbal Meet Devendra Fadnavis : छगन भुजबळ देवेंद्र फडणवीसांच्या भेटीला; काय निर्णय घेणार?

Chhagan Bhujbal Meet Devendra Fadnavis : छगन भुजबळ देवेंद्र फडणवीसांच्या भेटीला; काय निर्णय घेणार?

हेही वाचा : 

छगन भुजबळ (Chhagan Bhujbal) यांना मंत्रिमंडळातून डावल्यानंतर ते दररोज उघडपणे आपली नाराजी बोलून दाखवत आहेत. छगन भुजबळांकडून राज्य मंत्रिमंडळाच्या विस्तारापासून उपमुख्यमंत्री अजित पवार (Ajit Pawar) यांच्यावर हल्लाबोल सुरु आहे. आता अजित पवारांनी पहिल्यांदाच अप्रत्यक्षपणे छगन भुजबळांवर भाष्य केलं आहे.   काही लोकांना मंत्रिमंडळात थांबायला सांगितल्यावर त्यांनी रोष व्यक्त केल्याचं अजित पवारांनी म्हटलं आहे. मात्र राज्यात कोणावरही अन्याय होणार नसल्याचंही अजित पवारांनी यावेळी स्पष्ट केलंय. मंत्री जास्त आहेत. पूर्वी 28 मंत्री आणि बाकी राज्य असायचे पण आता तसे नाही. त्यामुळे काहींना एकच खाते आले आहे, असंही अजित पवारांनी सांगितले. आपण विचारावर ठाम आहोत. आपण भाजप सोबत असलो तरी शाहू फुले आंबेडकर यांच्या विचाराने काम करू, असं अजित पवार म्हणाले. अजित पवार रविवारी बारामतीमध्ये बोलत होते.  छगन भुजबळांच्या मनात नेमकं चाललंय काय? दरम्यान यानंतर भुजबळांनी देखील अजित पवारांना अप्रत्यक्षरित्या लक्ष केलं. सुरूवातीला राज्यसभेवर पाठवलं नाही, आता आमदारकीचा राजीनामा देऊन राज्यसभेवर जायला सांगितल्याचं छगन भुजबळांनी म्हणाले. दरम्यान छगन भुजबळांनी अजित पवारांवर वयावरुन टीकास्त्र डागलं. तर शरद पवारांचं देखील कौतुक केल्याचं पाहायला मिळालं. त्यामुळे छगन भुजबळांच्या मनात नेमकं चाललंय काय?, असा सवाल सध्या उपस्थित होत आहे.