Chandrakant Patil: चंद्रकांत पाटलांकडून भाजपच्या कोल्हापूर पोटनिवडणुच्या विजयाची घोषणा ABP Majha

कोल्हापुरात उत्तर विधानसभा पोटनिवडणुकीचा प्रचार आता शिगेला पोहोचलाय. कोल्हापुरात सध्या जाहीर सभा आणि प्रचार फेऱ्यांचा धुरळा उडालाय. उत्तर विधानसभेच्या जागेसाठी १२ एप्रिलला मतदान होणार असून १६ एप्रिलला मतमोजणी होणार आहे. महाविकास आघाडीतील काँग्रेसच्या जयश्री जाधव आणि भाजपचे सत्यजित कदम यांच्यात ही हाय व्होल्टेज लढत होत आहे. ९० हजारांच्या घरात मत मिळवणाऱ्या उमेदवाराच्या माथीच गुलाल लागणार आहे.. दरम्यान ही निवडणूक उमेदवारांऐवजी पालकमंत्री सतेज पाटील आणि भाजपचे प्रदेशाध्यक्ष चंद्रकांत पाटील यांच्यात लागल्यासारखी स्थिती कोल्हापुरात झालीय.. दोन्ही नेत्यांची प्रतिष्ठा पणाला लागलीय.. मात्र भाजप प्रदेशाध्यक्ष चंद्रकांत पाटील यांनी निवडणुकीपूर्वीच भाजप १०० टक्के विजयी होणार असल्याचा दावा केलाय..