Voter List Fraud:गंगापूर विधानसभा मतदारसंघामध्ये छत्तीस हजार मतदारांची नावं ही दुबार- सतीश चव्हाण

बोगस मतदारयाद्यांच्या मुद्द्यावरून सत्ताधारी आमदार सतीश चव्हाण (Satish Chavan) आणि संजय गायकवाड (Sanjay Gaikwad) यांनी थेट निवडणूक आयोगावर (Election Commission) गंभीर आरोप केले आहेत. 'निवडणूक आयोग म्हणतं नाव काढू नका, काढू नका, असा कोणता या भारताचा कायदा आहे?', असा थेट सवाल शिवसेनेचे आमदार संजय गायकवाड यांनी केला आहे. गंगापूर (Gangapur) विधानसभा मतदारसंघात तब्बल छत्तीस हजार मतदारांची नावे दुबार असल्याचा आरोप राष्ट्रवादी काँग्रेसचे आमदार सतीश चव्हाण यांनी केला आहे. तर दुसरीकडे, बुलढाणा (Buldhana) जिल्ह्यात लाखो बोगस मतदार असून, मृत व्यक्तींची आणि स्थलांतरित झालेल्यांची नावेही मतदार यादीत कायम असल्याचा दावा आमदार संजय गायकवाड यांनी केला आहे. ४ हजार बोगस नावांची यादी जिल्हाधिकाऱ्यांकडे देऊनही कारवाई होत नसल्याचे त्यांनी म्हटले.