BJP South India : Karnataka Elections मध्ये पराभव, दक्षिण भारताचं द्वार भाजपसाठी बंद? ABP Majha
Download ABP Live App and Watch All Latest Videos
View In AppBJP South India : Karnataka Elections मध्ये पराभव, दक्षिण भारताचं द्वार भाजपसाठी बंद? ABP Majha
Karnataka BJP: 'काँग्रेसमुक्त भारत' अशी घोषणा देणाऱ्या भाजपसमोर (BJP) आता आगामी 2024 च्या लोकसभा निवडणुकीत (Loksabha Election 2024) आव्हानं निर्माण होण्याची शक्यता आहे. कर्नाटकमधील पराभवानंतर दक्षिण भारतातील प्रमुख राज्यांमध्ये आता भाजप सत्तेत नाही. दक्षिण भारतात (South India) राजकीय प्रभाव वाढवण्याच्यादृष्टीने भाजपसाठी कर्नाटक हे महत्त्वाचे राज्य होते. आता, कर्नाटकमध्येच पराभव झाल्याने लोकसभा निवडणुकीच्या 'मिशन 400' समोर आव्हान निर्माण झाले आहे.
भाजपने पुढील लोकसभा निवडणुकीसाठी 400 जागा जिंकण्याचे लक्ष्य ठेवले आहे. त्यासाठीची चाचपणी आणि रणनीती आखली जात आहे. उत्तर भारतात मजबूत असणारा भाजप दक्षिण भारतात आपला प्रभाव वाढवण्याच्या प्रयत्नात आहे. कर्नाटक हे भाजपसाठी दक्षिणेतील प्रवेशद्वार असल्याचे म्हटले जाते. मात्र, आजच्या पराभवानंतर भाजपला लोकसभा निवडणुकीसाठी नव्याने रणनीती आखावी लागणार आहे. भाजपला मतांच्या टक्केवारीत फारशी घट झाली नाही, हीच समाधानाची बाब पक्षासाठी आहे.