Maharashtra Superfast News : बातम्यांचा सुपरफास्ट आढावा : 12 Nov 2025 : ABP Majha

महाराष्ट्रामध्ये स्थानिक स्वराज्य संस्थांच्या निवडणुकीच्या पार्श्वभूमीवर राजकीय घडामोडींना वेग आला आहे. तुळजापूर ड्रग्ज प्रकरणातील (Tuljapur Drugs Case) आरोपी माजी नगराध्यक्ष संतोष परमेश्वर याने आमदार राणा जगजितसिंह पाटील यांच्या उपस्थितीत भाजपमध्ये प्रवेश केल्याने मोठा वाद निर्माण झाला आहे. या पक्षप्रवेशावर काँग्रेस आणि राष्ट्रवादीने तीव्र टीका केली असून, खासदार सुप्रिया सुळे यांनी थेट मुख्यमंत्री देवेंद्र फडणवीस यांना पत्र लिहिले आहे. 'ड्रग्ज तस्करीला महाराष्ट्रात राजाश्रय दिला जाणार नाही, असा ठोस संदेश समाजात जाणे अत्यंत गरजेचे आहे,' अशी मागणी सुळे यांनी पत्राद्वारे केली आहे. याशिवाय बीडमध्ये पंकजा मुंडे आणि धनंजय मुंडे यांनी परळी नगर परिषदेसाठी युतीची घोषणा केली आहे, तर नांदेडमध्ये काँग्रेस आणि वंचित बहुजन आघाडीने एकत्र निवडणूक लढवण्याचा निर्णय घेतला आहे.