Bihar Election Dates | बिहार विधानसभा निवडणुकीच्या तारखा जाहीर, आयोगाचे नवे उपक्रम

केंद्रीय निवडणूक आयोगाने बिहार विधानसभा निवडणुकीच्या तारखा जाहीर केल्या आहेत. आयोगाने मतदार नोंदणीपासून पंधरा दिवसांमध्ये ओळखपत्र देण्यासह अनेक नवीन उपक्रम राबवणार असल्याची माहिती दिली आहे. मुंबई महापालिकेचा अंतिम प्रभाग रचना आराखडाही जाहीर झाला असून, २२७ प्रभागांसाठी आराखडा निश्चित करण्यात आला आहे. महाराष्ट्रात स्थानिक स्वराज्य संस्था निवडणुकांच्या पार्श्वभूमीवर राजकीय घडामोडींना वेग आला आहे. मनसे आणि शिवसेना युतीची चर्चा सुरू असून, मनसेच्या बैठकांचे सत्र सुरू आहे. खासदार संजय राऊत यांनी महाविकास आघाडी कायम राहणार असल्याचे म्हटले आहे. दुसरीकडे, "जरांगे मराठ्यांचा नाही वाळूत चोर आणि दारूचे धंदे करणाऱ्यांचा नेता," असा हल्लाबोल भुजबळ यांनी केला आहे. सिंधुदुर्ग जिल्हा बँकेतील कर्ज घोटाळ्याप्रकरणी मंत्री नितेश राणे यांच्यावर गंभीर आरोप झाले असून, संजय राऊत यांनी फडणवीसांनी गुन्हा दाखल करून प्रकरण ईडीकडे सोपवण्याची मागणी केली आहे. अनिल देशमुख यांनी फॉरेन्सिक अहवाल बदलण्यासाठी राजकीय दबाव असल्याचा आरोप केला आहे. नीलेश घायवळ प्रकरणी जिवंत काडतुसे सापडली असून, पासपोर्ट शिफारस करणाऱ्या पोलिस अधिकाऱ्याच्या चौकशीची मागणी झाली आहे. सुप्रिया सुळे यांनीही या प्रकरणी पडताळणीची मागणी केली आहे. परभणी, कोल्हापूर, लातूर, बीड, नांदेड आणि सोलापूर जिल्ह्यांमध्ये अतिवृष्टीमुळे पूरस्थिती निर्माण झाली असून, शेतीपिकांचे मोठे नुकसान झाले आहे. बीड जिल्ह्यात ४६२ जनावरांचा बळी गेला आहे. सोलापूरमध्ये पूरग्रस्तांना दिवाळी किट वाटप केले जाणार आहे. दार्जिलिंग आणि नेपाळमध्ये मुसळधार पाऊस व भूस्खलनामुळे अनेक लोकांचा मृत्यू झाला आहे. मुंबईत ड्रोन आणि फ्लाइंग कंदील उडवण्यास बंदी घालण्यात आली आहे.