Bihar Elections 2025: बिहार विधानसभा निवडणुकीसाठी पहिल्या टप्प्यातील मतदान,मैथिली ठाकूरसोबत बातचित

संपूर्ण देशाचे लक्ष लागलेल्या बिहार विधानसभा निवडणुकीच्या पहिल्या टप्प्यातील मतदान आज पार पडले. या टप्प्यात १८ जिल्ह्यांमधील १२१ मतदारसंघांमध्ये उमेदवारांचे भवितव्य मतपेटीत बंद झाले आहे. 'प्रत्येक घरामध्ये एक सरकारी नोकरी देऊ', असे आश्वासन महागठबंधनकडून देण्यात आले आहे, तर दुसरीकडे एनडीएने एक कोटी नोकऱ्या आणि विकासाचा मुद्दा पुढे केला आहे. या निवडणुकीत तेजस्वी यादव (राघोपुर), उपमुख्यमंत्री सम्राट चौधरी (तारापुर) आणि राजकारणात नव्याने उतरलेल्या गायिका मैथिली ठाकूर (अलिनगर) या प्रमुख उमेदवारांच्या मतदारसंघांचा समावेश आहे. विधानसभेच्या एकूण २४३ जागा असून, उर्वरित १२२ जागांसाठी ११ नोव्हेंबरला मतदान होणार आहे आणि १४ नोव्हेंबरला मतमोजणी होईल.