MCA Elections: प्रसाद लाड यांची MCA निवडणुकीतून माघार, अर्ज मागे घेतला

मुंबई क्रिकेट असोसिएशनच्या (Mumbai Cricket Association) निवडणुकीत मोठी घडामोड समोर आली आहे. भाजप नेते प्रसाद लाड (Prasad Lad) यांनी आपला अर्ज मागे घेतला आहे. ‘प्रसाद लाड यांनी पाचही उपपदांसाठी भरलेले अर्ज मागे घेतले असून, अजिंक्य (Ajinkya) यांची भेट घेऊन त्यांना शुभेच्छा दिल्या आहेत,’ अशी माहिती समोर आली आहे. या निवडणुकीत विद्यमान अध्यक्ष अजिंक्य नाईक (Ajinkya Naik) यांच्यासह अनेक दिग्गज नेत्यांनी अर्ज दाखल केल्याने ही निवडणूक अत्यंत चुरशीची मानली जात होती. मात्र, आता प्रसाद लाड यांनी माघार घेतल्याने निवडणुकीच्या समीकरणांमध्ये मोठे बदल होण्याची शक्यता वर्तवण्यात येत आहे. लाड यांनी अर्ज मागे घेण्यामागे नेमकी काय कारणे आहेत, हे अद्याप स्पष्ट झालेले नाही, मात्र या निर्णयामुळे क्रिकेट आणि राजकीय वर्तुळात अनेक चर्चांना उधाण आले आहे.