Beed ; महिला सफाई कामगारांचं जिल्हाधिकारी कार्यालयासमोर आंदोलन ABP Majha

पगारवाढ न दिल्यामुळे आणि कामावरुन कमी केल्यामुळे नगरपालिकेतील महिला सफाई कामगारांनी आज सकाळपासून बीडच्या जिल्हाधिकारी कार्यालयासमोर आंदोलन सुरु केलं होतं. या आंदोलनाच्या वेळी दोन महिला आंदोलक चक्क झाडावर चढल्या होत्या. यावेळी प्रशासनाने महिलांना झाडावरुन उतरण्याची विनंती केली. मात्र, आक्रमक झालेल्या महिलांनी झाडावरुन उतरण्यास नकार दिला. याच वेळी पालकमंत्री धनंजय मुंडे आणि आमदार संदीप क्षीरसागर आंदोलकांना भेटण्यासाठी दाखल झालेे. त्यांनीही झाडावर चढलेल्या आंदोलक महिलांची समजूत काढण्याचा प्रयत्न केला. मात्र, महिला काही केल्या ऐकण्यास तयार नव्हत्या. त्यामुळे आमदार संदीप क्षीरसागर हे स्वत: झाडावर चढले. तब्बल १० मिनीटं त्यांनी महिला कर्मचाऱ्यांची समजूत काढली. त्यानंतर या महिला आंदोलक झाडावरुन खाली उतरल्या...