Beed Love Triangle Crime | Homeguard महिलेची हत्या, प्रेमप्रकरणातून मैत्रिणीनेच संपवलं

बीड शहरात एका Homeguard महिलेच्या हत्येमुळे खळबळ उडाली आहे. अयोध्या वरकटे असे मृत Homeguard महिलेचे नाव असून, त्या गेवराई येथे Homeguard म्हणून कार्यरत होत्या. प्रेमप्रकरणातून त्यांची हत्या झाल्याचे समोर आले आहे. वृंदावनी फरताळे या मैत्रिणीनेच अयोध्याची हत्या केल्याचा आरोप आहे. अयोध्या आणि वृंदावनी या दोघींचे एकाच तरुणावर प्रेम होते. प्रेमसंबंधात अयोध्या अडचण ठरत असल्याने वृंदावनीने तिला आपल्या घरी बोलावले आणि तिची हत्या केली. हत्येनंतर मृतदेह सूटकेसमध्ये भरून नाल्यात फेकून दिला. मृतदेह नेतानाचे CCTV फुटेज पोलिसांच्या हाती लागले आहे. शिवाजीनगर पोलिसांनी या प्रकरणी तपास करत आरोपी वृंदावनी फरताळेला ताब्यात घेतले आहे. “सदर गुन्ह्याचा तपास अनैतिक संबंधातून झाला असल्याचा प्राथमिक अंदाज आहे,” असे पोलिसांनी सांगितले. या घटनेमुळे बीड शहर पुन्हा एकदा हादरले आहे.