Farmer's Protest: 'आम्ही मागे हटणार नाही', Bachchu Kadu यांचा इशारा; आंदोलक परसोळी मैदानावर

नागपूरमध्ये (Nagpur) आमदार बच्चू कडू (Bachchu Kadu) यांच्या नेतृत्वाखालील शेतकरी आंदोलनामुळे (Farmer's Protest) झालेल्या वाहतूक कोंडीवर तोडगा निघाला आहे. 'आम्ही सरकारला गेल्या आठ महिन्यांपासून सतत निवेदनं देत आलो आहोत, पण काहीही प्रतिसाद मिळाला नाही,' असे बच्चू कडू यांनी म्हटले आहे. आंदोलक आता परसोळीच्या (Parsodi) मैदानावर आंदोलन करणार असल्याने नागपूर-वर्धा महामार्गासह (Nagpur-Wardha Highway) इतर प्रमुख मार्गांवरील वाहतूक सुरळीत होण्याची अपेक्षा आहे. शेतकऱ्यांची संपूर्ण कर्जमाफी, पिकांना योग्य हमीभाव आणि इतर २२ मागण्यांसाठी प्रहार संघटनेने हे 'महाएल्गार आंदोलन' पुकारले आहे. या आंदोलनामुळे नागपूर-हैदराबाद राष्ट्रीय महामार्ग (NH-44) आणि समृद्धी महामार्गावर मोठी वाहतूक कोंडी झाली होती. मुंबई उच्च न्यायालयाच्या नागपूर खंडपीठाने या कोंडीची स्वतःहून दखल घेतल्यानंतर आंदोलकांना महामार्ग रिकामा करण्याचे निर्देश दिले होते.