Bacchu Kadu Protest : 'एका कष्टकऱ्यासाठी दुसऱ्याला वेठीस का धरता?', बच्चू कडूंच्या आंदोलनावर नागरिक संतप्त

नागपुरात (Nagpur) आमदार बच्चू कडू (Bacchu Kadu) यांच्या नेतृत्वात झालेल्या शेतकरी आंदोलनामुळे वाहतुकीचा प्रचंड खोळंबा झाला, ज्यामुळे सामान्य नागरिक चांगलेच हैराण झाले. 'एका कष्टकरी माणसाचा प्रश्न सोडवायला तुम्ही असा सामान्य माणसांना वेठीस धरणारे का?', असा संतप्त सवाल एका महिलेने आंदोलकांना केला. या आंदोलनामुळे नागपूर-वर्धा महामार्गावर (Nagpur-Wardha Highway) प्रचंड वाहतूक कोंडी होऊन लोक १५-१५ तास अडकून पडले होते. अनेकांनी लहान मुले आणि कुटुंबासह अनेक किलोमीटर पायी चालत जाण्याचा निर्णय घेतला, कारण त्यांच्याकडे खाण्या-पिण्याची कोणतीही सोय नव्हती. कोणत्याही अटी आणि शर्तींशिवाय शेतकऱ्यांची संपूर्ण कर्जमाफी (Loan Waiver) करावी, ही आंदोलकांची प्रमुख मागणी आहे. या आंदोलनाची दुसरी बाजू मांडताना, 'एबीपी माझा'चे प्रतिनिधी रजत वसिष्ठ यांनी लोकांच्या व्यथा मांडल्या.