Vote Jihad: 'राज ठाकरेंना केवळ हिंदूच दुबार मतदार दिसतात का?', Ashish Shelar यांचा ठाकरे बंधूंवर घणाघात

महाराष्ट्रातील मतदार यादीतील (Voter List) घोळ आणि दुबार मतदारांच्या नावावरून राजकीय वातावरण तापले आहे. भाजप (BJP) नेते आशिष शेलार (Ashish Shelar) यांनी राज ठाकरे (Raj Thackeray) आणि महाविकास आघाडीवर (MVA) जोरदार हल्लाबोल केला आहे. 'राज ठाकरेंना केवळ हिंदूच दुबार मतदार दिसतात का?', असा सवाल करत आशिष शेलार यांनी 'व्होट जिहाद' (Vote Jihad) चा आरोप केला. भाजपने राज ठाकरेंच्या 'लाव रे तो व्हिडीओ'ला त्याच शैलीत उत्तर दिले आहे. दुसरीकडे, राष्ट्रवादी काँग्रेसचे (NCP) नेते रोहित पवार (Rohit Pawar) यांनी शेलारांच्या आरोपांना प्रत्युत्तर दिले. यापूर्वी, महाविकास आघाडी आणि मनसेने (MNS) मतदार यादीतील त्रुटींविरोधात निवडणूक आयोगाकडे (Election Commission) मोर्चा काढला होता. जोपर्यंत मतदार यादीतील गोंधळ दूर होत नाही, तोपर्यंत आगामी स्थानिक स्वराज्य संस्थांच्या निवडणुका घेऊ नयेत, अशी मागणी विरोधकांनी लावून धरली आहे.