Govt Website Down: अण्णासाहेब पाटील महामंडळाची वेबसाईट महिनाभरापासून बंद, हजारो तरुणांचे भवितव्य अंधारात

अण्णासाहेब पाटील आर्थिक मागास विकास महामंडळाची (Annasaheb Patil Arthik Magas Vikas Mahamandal) वेबसाइट गेल्या महिनाभरापासून बंद असल्याने खळबळ उडाली आहे. 'अण्णासाहेब महामंडळाची वेबसाईट गेल्या महिनाभरापासून बंद आहे आणि त्यामुळे हजारो तरुणांना याचा फटका बसतोय'. या महामंडळामार्फत मराठा समाजातील तरुणांना स्वयंरोजगारासाठी कर्ज आणि व्याज परतावा दिला जातो. मात्र, संकेतस्थळच बंद असल्याने ऑनलाइन अर्ज प्रक्रिया पूर्णपणे थांबली आहे. यामुळे, नवीन कर्ज प्रकरणे, कागदपत्रांची पूर्तता आणि व्याज परताव्याचे दावे (claims) दाखल करणे अशक्य झाले आहे. हजारो इच्छुक तरुण सरकारी योजनेच्या लाभापासून वंचित राहिले असून त्यांच्या स्वयंरोजगाराच्या संधीवर गदा आली आहे. या तांत्रिक समस्येमुळे राज्यातील युवकांमध्ये प्रचंड नाराजी पसरली आहे.