Ajit Pawar Hinjwad Traffic: विकासकामं काय हवेत करायची? अजितदादांनी केली हिंजवडी भागाची पाहणी

पुण्याचे पालकमंत्री अजित पवार (Ajit Pawar) यांनी हिंजवडी (Hinjewadi) परिसरातील वाहतूक कोंडीची पाहणी केली. 'वाहतूक कोंडीसाठी बाकी कोणी काही करत नाही, मी किमान पाहणी करून मार्ग काढण्याचा प्रयत्न करतोय', असा त्रागा यावेळी त्यांनी व्यक्त केला. रस्त्यांच्या कामासाठी जमीन देण्यास काही जणांकडून विरोध होत असल्याच्या तक्रारी समोर आल्यानंतर अजित पवारांचा संताप पाहायला मिळाला. त्यांनी अधिकाऱ्यांना स्पष्ट निर्देश दिले की, विकासाच्या आड येणाऱ्यांवर कठोर कारवाई करा. हिंजवडीतील वाहतूक कोंडी हा आयटी (IT) कंपन्यांमध्ये काम करणाऱ्या कर्मचाऱ्यांसाठी आणि स्थानिक नागरिकांसाठी गंभीर चिंतेचा विषय बनला आहे.