Ajit Pawar Hinjwadi Visit | हिंजवडीत पाणी साचण्याचं कारण काय? अजित पवारांनी घेतला आढावा

उपमुख्यमंत्री अजित पवार यांनी पिंपरी चिंचवड आणि हिंजवडी भागाचा पाहणी दौरा केला. या दौऱ्यात त्यांनी मेट्रोच्या कामांची आणि हिंजवडीतील पाणी साचण्याच्या समस्येची पाहणी केली. हिंजवडी आयटी पार्क सध्या 'वॉटर पार्क' झाले आहे का, अशी चर्चा सोशल मीडियावर सुरू आहे. या भागात तीन ते चार फूट पाणी रस्त्यावर साचलेले होते आणि त्यातून पीएमपीमल बस जातानाचे दृश्य व्हायरल झाले होते. या भागातून मोठे ओढे वाहत होते, परंतु अनेक इमारती आणि कंपन्या उभ्या राहिल्याने ते ओढे गायब झाले आहेत किंवा त्यांना छोट्या नाल्यांचे स्वरूप देण्यात आले आहे. यामुळे पाऊस झाल्यावर रस्त्यावर मोठ्या प्रमाणात पाणी साचते, वाहतूक कोंडी होते आणि लोकांना त्रास होतो. प्रशासनाकडून याकडे सातत्याने दुर्लक्ष होत असल्याचे दिसून येते. अजित पवार यांनी याच कामांची पाहणी करण्यासाठी सकाळी सहा वाजल्यापासून दौरा सुरू केला. त्यांनी पुणे महानगरपालिकेचे आयुक्त, जिल्हाधिकारी आणि इतर अधिकाऱ्यांना बोलावून या सर्व गोष्टींची स्वतः पाहणी केली. काही अधिकाऱ्यांना त्यांनी त्यांच्या शैलीत झापले. मोठे कॅनल, ओढे आणि नाले कुठे गेले, असा प्रश्न त्यांनी विचारला. हिंजवडीसारख्या आयटी हबमध्ये पाणी साचल्याने नागरिकांना मोठ्या अडचणींचा सामना करावा लागत आहे. अजित पवार यानंतर एक आढावा बैठक घेणार असून, त्यात ते काय आदेश देतात हे पाहणे महत्त्वाचे ठरेल. पुणे शहरात जसे मोठे ओढे हळूहळू छोटे करण्यात आले, त्याच पद्धतीने हिंजवडीमध्येही असे प्रकार घडत आहेत, ज्यामुळे रस्त्यावर पाणी साचते आणि हिंजवडी आयटी पार्क 'वॉटर पार्क' होत आहे का, असा प्रश्न विचारला जात आहे. अजित पवार या सर्व गोष्टींचा आढावा घेत आहेत. काही अधिकाऱ्यांना त्यांनी जागेवरच झापले असून, परवानग्या कशा दिल्या गेल्या, यावरही प्रश्नचिन्ह उपस्थित केले आहे. हिंजवडीकरांसाठी हा पाहणी दौरा महत्त्वाचा आहे.