Ajit Pawar Land Scam: 'माझ्या नावाचा वापर करून कुणी चुकीचं करत असेल तर…'; Ajit Pawar यांचा थेट इशारा

उपमुख्यमंत्री अजित पवार (Ajit Pawar) यांनी त्यांचे सुपुत्र पार्थ पवार (Parth Pawar) यांच्यावर झालेल्या जमीन घोटाळ्याच्या आरोपांवर अखेर प्रतिक्रिया दिली आहे. 'जर माझ्या नावाचा वापर करून कुणी चुकीचं किंवा नियमात न बसणारं करत असेल तर त्याला माझा कुठलाही पाठिंबा नसेल,' असं स्पष्ट मत अजित पवारांनी मांडलं आहे. सुरुवातीला 'नो कमेंट्स' म्हणत बोलण्यास नकार देणाऱ्या अजित पवारांनी नंतर या प्रकरणाशी आपला दुरान्वयेही संबंध नसल्याचं सांगितलं. काही महिन्यांपूर्वी असं काहीतरी सुरू असल्याची माहिती कानावर आली होती आणि त्यावेळी आपण अशा चुकीच्या गोष्टी करू नयेत, अशा स्पष्ट सूचना दिल्या होत्या, असंही त्यांनी नमूद केलं. आपण कायद्याच्या चौकटीत राहून काम करणारे कार्यकर्ते आहोत, असं म्हणत त्यांनी मुख्यमंत्र्यांनी लावलेल्या चौकशीचे स्वागत केले.