Kurla Building Accident : मुंबईतल्या कुर्ला दुर्घटनेत 19 जणांच मृत्यू ABP Majha
कुर्ल्यात एक चार मजली धोकादायक इमारत कोसळून झालेल्या दुर्घटनेत आतापर्यंत १९ जणांचा मृत्यू झाला आहे. नाईकनगर सोसायटी असं या इमारतीचं नाव असून, काल रात्री अकरा वाजण्याच्या सुमारास ही इमारत कोसळली होती. या दुर्घटनेत १९ जणांचा मृत्यू झाला असून, १२ जण जखमी झाले आहेत. या दुर्घटनेतल्या मृतांच्या कुटुंबीयांना राज्य शासनाकडून पाच लाख रुपयांची मदत करण्यात येईल, अशी माहिती नगरविकास मंत्री सुभाष देसाई यांनी दिली आहे. या अपघातातील सर्व जखमींचा खर्च राज्य शासन आणि महापालिकेच्या वतीनं करण्यात येईल, असंही त्यांनी सांगितलं. या घटनेची माहिती मिळताच नगरविकासमंत्र्यांनी घटनास्थळाला भेट देऊन जखमींची विचारपूस केली.
Tags :
State Government Subhash Desai Injured Dangerous Building Urban Development Minister In Kurla Naiknagar Society